Somalilandpost | News and Analysis

Nuxurka Saddex Qodob oo ka soo baxay Kalfadhigii Siddeedaad ee ay yeeshaan

Hargeysa (SLpost)- Kal-fadhigii siddeedaad (8aad) ee ay yeeshaan golaha wasiirrada Jamhuuriyadda Somaliland oo uu shir-gudoominayey Madaxweynaha Jamhuuriyada Somaliland, Mudane Muuse Biixi Cabdi kuna wehelinaayey Madaxweyne ku-xigeenka Somaliland, Mudane Cabdiraxmaan Cabdilaahi Ismaaciil (Saylici), ayaa maanta oo ay taariikhdu tahay 12.04.2018, ka qabsoomay xarunta Madaxtooyada.

Golaha wasiiradaShirkaasina waxa lagaga dooday qodobbo ay ka mid ahaayeen amniga, maalinta qaran ee loo asteeyey dhiraynta Somaliland iyo arrimaha maamul daadejinta gobolada iyo degmooyinka.

Dood-dheer ka dib waxa shirka ka soo baxay saddex qodob oo muhiim ah:

  1. In la xakameeyo isla markaana xal-waara laga gaadho xurgufaha iyo aannooyinka soo noq-noqda ee beelaha qaarkood dhex mara, iyadoo loo marayo nidaamka dawladnimo

 

  1. In la xoojiyo mudnaantana la siiyo sidii loo horumarin lahaa muhiimada ay leedahay maamul daadejinta gobolada iyo degmooyinka dalka oo ah mid ahmiyad weyn u leh dhismaha qaranka.

 

  1. In loo diyaar garoobo maalinta dhiraynta Somaliland ee 15-April oo madaxweynaha Jamhuuriyadda Somaliland wareegto ku muddeeyey, loogana qayb-qaato si mug leh shacbi iyo xukuumadba maalintaasi oo ku beegan Axada fooda inagu soo haysa.   

 

 

 

 

ALLAA MAHAD LEH

Maxamuud Warsame Jaamac

Af-hayeenka Madaxweynaha JSL.

Fikraddaada kaga Dhiibo FACEBOOK

RAADI WARARKII HORE
Warning: count(): Parameter must be an array or an object that implements Countable in /customers/e/b/8/somalilandpost.net/httpd.www/slp/wp-includes/class-wp-comment-query.php on line 399