Somalilandpost | News and Analysis

Dowladda Maraykanka Ballan-qaadday Bixinta Kharashka ku baxaya Kaadhadhka Codbixiyeyaasha Somaliland

hhhWashington (SLpost)- Dawladda Maraykanka ayaa shaaca laga qaadday inay bixinayso kharashka ku baxaya soo-iibsashada Mishiinka lagu daabaco Kaadhadhka codbixiyeyaasah doorashooyinka soo socda ee Somaliland.

Lacagta dawladda Maraykanku ballan-qaadday bixinteeda oo gaadhaysa Hal Milyan oo Dollar, ayaa loogu talo-galay in lagu soo iibiyo Kaadhadh madhan iyo Mishiinkii lagu daabacayey, sida ay shaacisay hay’adda Creative Association International.

Sarkaal warbaahinta u qaabilsan hay’addan oo lagu magacaabo Mr. Michael J. Zamba ayaa shaaca ka qaaday in dhaqaalaha ku baxaya iibka kaadhadhka codbixiyeyaasha iyo  qalabka lagu daabacayo oo ay  maalgelisay hay’adda USAID ka mid yihiin taageero dawladda Marakanku ku gacan qabanayso Komiishanka Doorashooyinka Somaliland Ururada aan dawliga ahayn, iyo warbaahinta.

Mr. Zamba oo ka jawaabayey su’aalo shabakada Somalilandspan.com ka weydiisay kaalinta ay ku leeyahiin daabacaada kaadhadhka codbixiyeyaasha Somaliland ayaa yidhi,

“Haa, mashruuca BUILD waxa ku jira kharshka soo iibinta kaadhadhka madhan ee codbixiyeyaasha iyo qalabkii lagu daabaci lahaa, oo ku baxayso kharsh gaadhaya $976,271 US. Dollars. Dhaqaalaha waxa bixisay hay’adda horumarinta caalamka (USAID).”

Mar uu ka hadlayey kharash dheeraad ah oo ku baxaya safar 2 xubnood oo Komiishanka Doorashooyinku ugu socdaalayaan magaalada Paris ee dalka Faransiiska, ayuu raaciyey,

“Mashruucan waxuu kaloo bixinayaa kharashka socdaal ee labo xubood oo Komiishanka Somaliland ku tegayaan magaalada Paris.

Mar la weydiiyey maadama  muddo kooban ka hadhay xilligii loo qorsheeyey doorashada madaxweynaha ee Somaliland qabsoonto, siduu u arko in lagaga gaadhsiin karo qebinta kaadhadhka Codbixiyeyaasha Somaliland ayuu ku jawaabay,

“Komiishanka Somaliland iyo mashruuca BUILD khubaradoodu waxay isla qaateen in wakhti ku filan loo helayo qeybinta kaadhadhka codbixiyeyaasha iyo qeybintooda, doorashada ka hor.

Jawaabaha Mr. Zamba, madaxda warbaahinta hay’adda Creative Association International ayaa su’aalo cusub oo jawaabahooda laga sugayo Komiishanka Somaliland ka abuurmayaan, la xidhiidha hadii hay’adda USAID bixinayso kharashka soo iibinta kaadhadhka Codbixiyeyaasha Somaliland iyo daabacaadooda, maxaa lagu qabanayaa kharash gaadhayey 4 Milyan oo dhowaan xukuumada Somaliland ku wareejisay Komiishanka Doorashooyinka, oo loogu tallogalay hawlaha la xidhiidha kaadhadhka Codbixiyeyaasha Somaliland.

Dhinaca kale, Guddoomiyaha Komiishanka Doorashooyinka Somaliland Mr. Cabdiqaadir Iimaan oo wax laga weydiiyey kharashka hay’adda USAID ku bixinayso iibka kaadhadhka madhan iyo qalabkii lagu daabacayey iyo kharashkii dhowaan xukuumada Somaliland ku bixisay kaadhadhka ayaan wax jawaab ah ka soo bixin.

Fikraddaada kaga Dhiibo FACEBOOK

RAADI WARARKII HORE