Somalilandpost | News and Analysis

Addis Ababa: Wasaaradda Khaarajiga Itoobiya oo ka hadashay Ujeeddada Kulan Raysalwasaaraha dalkaasi la qaatay Wefti Somaliland ka socda

Addis Ababa (SLpost)- Raysal-wasaaraha dalka Itoobiya Md. Hailemariam Desalegn ayaa sheegay khamiistii in dalkiisu go’aansaday horumarinta kaabayaashiisa ku xidhmaya dalka Somaliland, si loo hubiyo in sida ugu wanaagsan looga faa’iidaysto.

som4.Raysal-wasaaraha ayaa hadalkan ka jeediyey kulankii uu la qaatay wefdiga heerka sare ee Somaliland oo u hogaaminayey Md. Muuse Biixi Cabdi, Musharaxa Madaxweyne ahna, Gudoomiyaha Xisbiga Kulmiye.

Musharaxa jagada madaxweynaha, ahna Gudoomiyaha Xisbiga KULMIYE Md. Muuse Biixi Cabdi ayaa soo dhoweeyey xidhiidhka iyo iskaashiga labada wadan wadaagaan.

Kulanka ayaa lagu soo qaaday iskaashiga lagu doonayo in sida ugu sarraysa looga faa’iidaysto fursadaha dhaqaale, wadaxaajoodka ayaa lagu gaadhay arragtiyo dhaxalgal ah oo lagu balaadhin karo mashruuca marinka Berbera (Berbera Corridor), iyo isku xidhka wadadda ee labada wadan, sida qoraal kooban oo lagu baahiyey mareegta Wakaalada wararka Itoobiya (ENA) oo ku saabsan kulanka labada dhinac lagu sheegay.

Wasiirka Gaadiidka ee Itoobiya, Mr. Axmed Shide oo qeyb ka ahaa kulanka ayaa tilmaamay sida loogu baahan yahay balaadhinta kaabayaasha dhaqaale ee xilligan jira, sida wadooyinka, dariiqa tareenka iyo isticmaalka adeega tamarta.

Waxuu sheegay inaan Itoobiya keliya u arkayn u Somaliland lamaane ganacsi macquul ah, laakiin sidoo kale sida lamaane istiraatiiji ah oo ku saabsan nabadda iyo xasiloonida gobolka.

Wasiirka Soomaalida Arrimaha Dibadda iyo Iskaashiga Caalamiga ah oo qayb ka ahaa kulankaa ayaa hoosta ka xariiqay inaan Somaliland keliya diyaar u ahayn in ay la shaqeeyaan Itoobiya dannahooda dhaqaale, balse sidoo kale dannaha gobolka.

Waxuu xusay inay heshiis ka wada gaadheen labada dowladood si loo adkeeyo iskaashiga dhaqaalaha, isla markaana isku raaceen horumarinta waddada dekeda Berbera iyo isticmaalkeeda. Waxa uu sheegay in ay sidoo kale isku raacay on Berbera horumarinta waddada dekedda iyo isticmaalka.

Fikraddaada kaga Dhiibo FACEBOOK

RAADI WARARKII HORE