Somalilandpost | News and Analysis

Madaxweynaha Somaliland oo Qaabilay Safiirka Cusub ee Dowladda Ingiriiska

Hargeysa (SLpost)- Madaxweynaha Somaliland Md Muuse Biixi Cabdi, ayaa maanta xafiiskiisa ku qaabilay Safiirka Cusub ee dowladda Ingiriisku u soo magacowday Somaliland iyo Soomaaliya, Dajire David Concar, sida lagu sheegay war-saxaafadeed kooban oo ka soo baxay xafiiska afhayeenka.

Warka qoraalka ee ka soo baxay madaxtooyada ayaa u qornaa sidan:- 

2 (1)

“Madaxweynaha Jamhuuriyadda Somaliland, Mudane Muuse Biixi Cabdi, waxa uu maanta xafiiskiisa ku qaabiley safiirka dawladda Ingiriiska u qaabilsan Somaliland iyo Soomaaliya Amb. David Concar.

Waxaana kulankaasi lagaga wada hadlay qodobo muhiima oo la xidhiidha qabsoomida doorashooyinka wakiilada iyo deegaanka, xidhiidhka labada dal, xoojinta gargaarka binu-aadanimo ee ay ingiriisku gacanta ka siiyo Jamhuuryadda Somaliland, gaar ahaan dhinaca caafimaadka, iskaashiga arrimaha nabadgelyada mandaqada geeska afrika iyo shaqo abuurka dhalinyarada. 

Sidoo kale waxa kulankaasi lagaga wada hadlay dhismaha waddada Berbera Corridor oo uu safiirku sheegay inay tusaale fiican u tahay isu socodka dhaqaale ee geeska Afrika,Dawladda Ingiriiskuna ay diyaar u tahay inay qayb ka noqoto dhismahaasi.

 1 (4)

 

Kulankaasina waxa uu ku soo dhamaaday Isfahan iyo in xidhiidhka labada dal ka dhexeeya la sii dardar geliyo.”

Fikraddaada kaga Dhiibo FACEBOOK

Loading…