Somalilandpost | News and Analysis

Soomaaliya oo dib ugu Celinaysa Lacagtii ay ka Qabatay dalka Imaaraadka iyo hordhaca Noocyada Heshiis ee la gaadhay

Muqdisho (SLpost)- Wasiirka Wasaaradda Arrimaha dibada dowladda Federaalka Soomaaliya Axmed Ciise Cawad, ayaa sheegay in dowladda Soomaaliya dib ugu celin doonto Imaaraadka lacagtii dhawaan lagu qabtay garoonka diyaaradaha magaalada Muqdisho.

Wasiirka oo wareysi gaar ah siiyay Laanta Afka Soomaaliga ee BBC ayaa sheegay in lacagta la qabtay oo dhameyd  $9 Milyan iyo 600 oo Kun oo dollar dib loogu celin doono gacanta dowladda Imaaraadka kaddib markii ay sida uu hadalka u dhigay ay hay’addaha ku shaqada leh ka dhameystaan baadhitaanka ku socda.

wasiirka khaarajiga soomaaliya cawad“Haa. lacagtaasi dib ayaa loogu celinayaa Imaaraadka marka hay’adaha ku shaqada leh ka dhameystaan baadhitaanka ku socda,’’ ayuu yidhi Wasiirka arrimaha dibada Soomaaliya oo la hadlayay laanta Afka Soomaaliga ee idaacadda BBC.

Sababta dowladdu ula wareegtay markii hore lacagta ayuu ku sheegay in shaki badan laga qaaday wakhtiga lagu soo beegay oo dalka ay ka jireen xiisado siyaasadeed, ayuu yidhi wasiirku, “Lacaguhu way iman jireen sida aan ka war qabno, laakiin tani waxay lacagihii hore uga duwaneyd wakhtiga lagu soo beegay oo xiisad siyaasadeed ay dalka ka jirtay iyo in aan lagu soo wargalin dowladda,’’ Sidaas ayuu sheegay wasiirku.

Dhinaca kale. mar uu soo hadal-qaaday warkii dhawaan ka soo yeedhay Wasiiru-dowlaha arrimaha dibada Imaaraadka Anwar Gargash ee ahaa in heshiiska dekedda Berbera ay wax ka ogaayeen dowladihii hore ee Soomaaliya, waxaa uu sheegay Wasiir Cawad in dowladda Soomaaliya aanay ka war qabin heshiis arintaa ku saabsan oo dhexmaray Imaaraadka iyo dowladdihii hore.

‘’Waan dhageystay Wareysiga Wasiirka waxaa uu sheegay Is faham in uu jiray, laakiin muu sheegin wax heshiis ah oo qoran oo labada dhinac dhaxmaray, Annagana ka dowlad ahaan maanaan arag heshiis qoran oo dhexmaray Imaaraadka iyo dowladdihii naga horeeyay, haddii aan aragno runtii weynu ixtiraami laheyn,” ayuu yidhi Wasiir Cawad.

Tan iyo wixii ka danbeeyay markii ay dowladda Soomaaliya la wareegtay lacag ay Imaaraadku sheegeen in loogu talagalay mushaharka iyo saadka ciidamo ay ku tababarayeen gudaha dalka Soomaaliya, waxaa cirka isku sii shareeray xiisaddii markii horeba ka dhex jirtay labada dowladdood oo ka soo bilaabatay go’aankii dowladda Soomaaliya ay ka qaadatay khilaafka waddamada Khaliijka.

Fikraddaada kaga Dhiibo FACEBOOK

RAADI WARARKII HORE
Warning: count(): Parameter must be an array or an object that implements Countable in /customers/e/b/8/somalilandpost.net/httpd.www/slp/wp-includes/class-wp-comment-query.php on line 399