Hargeysa (SLpost)- Madaxweynaha la doortay ee Somaliland Md Muuse Biixi Cabdi, ayaa magacaabay guddiga xil-wareejinta maamulka madaxweynaha talada haya iyo maamulka cusub.
Sida lagu sheegay war-saxaafadeed uu ku saxeexan yahay Md Muuse Biixi Cabdi, guddiga xil-wareejinta labada madaxweyne, ayaa ka kooban sagaal xubnood oo uu guddoomiye u yahay wasiira arrimaha Dibadda Dr Sacad Cali Shire.
Warsaxaafadeedka ayaa u qornaa sidan:-
“Xafiiska Madaxweynaha La Doortay
REF: JSL/XM/WLD/009/12/2017 — December 6th, 2017
Ujeeddo: Magacaabista Guddida Xil-wareejinta Xilliga Kala-guurka ah.
Kadib markii aan la tashaday Madaxweynaha Jamhuuriyadda Somaliland Mudane Axmed Maxamed Maxamuud Siilaanyo. Kadib markaan xaqiiqsaday muhiimadda xilliga kala-guurka ah; waxa loo magacaabay xubnaha magacyadoodu hoos ku qoran yihiin in ay noqdaan Guddida Xil-wareejinta Xilliga Kala-guurka ah. Xubnaha Guddidu waxa ay kala yihiin:
1. Dr. Sacad Cali Shire – Guddoomiye
2. Maxamed Kaahin Axmed – Xubin
3. Yaasiin Maxamuud Xiir Faratoon – Xubin
4. Maxamuud Xaashi Cabdi – Xubin
5. Shugri Xaaji Ismaaciil Baandare – Xubin
6. Prof. Axmed Ismaaciil Samatar – Xubbin
7. Eng. Xuseen Ibraahim Xasan Buuni– Xubin
8. Eng. Ibraahim Daahir Dubad – Xubin
9. Yuusuf Maxamed Cabdi – Xubin
Masuuliyadda Guddida Xil-wareejinta Xilliga Kala-guurku waa diyaarinta iyo hagista dhammaan hawlaha xil-wareejinta xilliga kala-guurka ah iyo goobta xil-wareejinta. Muddada xilka Guddidu waxa uu ku kooban yahay ilaa maalinta xil-wareejinta.
ALLAA MAHAD LEH
Muuse Biixi Cabdi,
Madaxweynaha La Doortay ee Jamhuuriyadda Somaliland