Hilsinki (SLpost) Guddoomiyaha Xisbiga UCID Eng Faysal Cali Waraabe Oo in mudo ahba booqasho ku joogay wadanka Finland ayaa waxa uu la kulmay wasaarada Arimaha dibadda ee dalka Finland.
Guddomiyaha UCID Eng. Faysal Cali Waraabe oo kulan dheer la yeeshay wasaarada Arrimaha dibeda ee Finland ayaa waxay ka wada xaajoodeen Xaalada guud ee Somaliland halka ay marayso iyo arrimo kale oo khuseeya mandaqada Geeska Africa ba. Kulankan ayaa waxaa guddoomiyaha ku wehelinayey xubno ka mida saraakiisha xisbiga UCID ee wadanka Finland.
Ugu horeyn Guddoomiye faysal wax uu uga mahad celiyey sida hagar la’aanta ah ee wadanka Finland u caawiyo Jamhuuriyada Somaliland.
Waxaanay si gaara uga wada uga wada hadleen Arrimaha Halka ay marayso Diwaan galinta Cod bixiyaasha ee hada ka bilaabantay Gobaolka Togdheer iyo habsami u socodkeeda
Sidii loogu fidin ama loo gaadhsiin lahaa Diwaan galinta degmooyinka Sanaag Bari iyo gobolka Sool Guud ahaan.
Sida Madaxwaynaha Somalia caqabad ugu yahay wada hadaladii Somaliland iyo Somalia. Iyada oo Halkii xal loo heli lahaa ina laba dawladood nabad waarta ku gaadhi lahaayeen uu haatan bilaabay in carqalad iyo Amaan daro u soo waarido dalka Somaliland ee nabada ku Caano maalay.
Arrinta maamulada qabaa’ilka ku dhisan ee ka socota Soomaaliya oo u jihaysan in dagaalo horle oo qabaa’il iyo dhul balaadhsi ku salaysan ay horseedaan.
Waxa kale oo aguddoomiye Faysal u soo badhandhigay Sida Somaliland u danaynayso in ay ka Finland Iyo Wadamada scandinavianku uga qayb qaadan lahaayeen wadahadalada Somalilland Iyo Soomaaliya.
Waxaanu caddeeyey Guddoomiye Faysal in aan Somaliland Ka qayb gelidoonin shirka ka dhacaya wadanka Turkiga bishan 23 keeda. Oo aanu khusayn Jamahuuriyada Somaliland.
Gebagabadii waxay isla af garteen in aanay hadda munaasib ahayn in la sii wado wada hadaladii u dhaxeeyey Somliland iyo Soomaaliya, ee la sugo inta doorashadu ka dhacayso Soamliland oo dawlada cusub ee ka dhalataa sii anbaqaadi doonto wada hadalada Somaliland iyo Soomaliya. Iyadoo dhawaana la sugayo in ay dawlad cusub doortaan Soomaaliya.
